New Delhi, April 03 : Akshay Kumar aro Tiger Shroff laga film Bade Miyan Chote Miyan tu release hobole asey aro etu nimitey bisi shor machikina asey. Ekta nutun interview te, Ali Abbas Zafar para tailaga nutun action film nimitey “Bade Miyan Chote Miyan” title ke wapas chola laga picheyte ki karon asey etu reveal kurisey
Etu title tu, originally 1998 laga comedy logotey jurikina asey kuntu te Amitabh Bachchan aro Govinda asey. Etu film laga title ke, Ali Abbas Zafar laga latest film nimitey wapas cholaisey kuntu te Akshay Kumar, Tiger Shroff aro Prithviraj Sukumaran asey. Ekta interview te Zafar para etu ekey title cholabole laga faisla kile loisey etu share kurikina reveal kurisey, “Tatey ekta connection asey kuntu ke etu film te reveal kuribo. Etu nimitey jitya apni ahikina etu film sabo apni para janibo ki kinimitey etu film ke “Bade Miyan Chote Miyan” koi asey.
Jackky Bhagnani logotey ekbar baat-chit kora tu yaad kurikina, Ali Zaffar para koisey ki jitya tai Abu Dhabi te shooting kuri thaksiey taikey ekta call ahisey aro koisey ki Jackky logotey enaka kotha kobole thakisey kuntu ke tai para mana kuribole paranai. Zafar para koisey, “Tai(Jackky) para koisey, apni action film banabole khusi pai? Ami para hoi koisey. Ami action film banabole khusi pai. Etu hoiletu eney bhabna kuri sabi judi ekta action film tea mi para apni ke Akshay Kumar aro Tiger Shroff ke ekey logotey anikina dibole parisey koile.”
Zafar, kun logotey action cinema niminitey junoon asey, tai para ekta film te duijun Bollywood action star ke eksath ana laga idea tu ekdam inkar kuribole napara laga paisey.
Etu baat-chit kurikina ek hapta huwa picheyte, Bhagnani para aro ekbar Zafar ke kotha kurisey aro etu bar tu Jackky laga baba laga sapna ke pura kuribole nimitey etu film laga naam Bade Miyan Chote Miyan rakhibole laga idea para lok ko.ra laga thakisey.
Etu film tu April 10 te release hobole asey aro etu te Manushi Chhillar aro Alaya F bi asey.
Add Comment