New Delhi, April 03 : Actor Mrunal Thakur para Sita Ramam aro Hi Nanna nisna recent hit film kora picheyte Telugu film te naam kamaisey. Etu actor ke next, Vijay Deverakonda laga Family Star te dikhibo. Tai para olop din ageyte share kurisiley ki tai nimitey kapra khan te poisa khorcha kora tu ekta pura puri wastage asey. Tai para etu bi share kurisey ki tai para ekta top nimitey kitya bi Rs 2,000 para bisi poisa khorcha koranai.
Galatta Plus logotey kora ekta interview te, Mrunal para koisey ki tai tu dami designer kapra khan te poisa khorcha nokorey kilemaney ekjun manu para etu kapra khan aro nipindey. Mrunal para koisey, “Apni para etu kapra khan ke aro pindibole nohoi.” Jitya taikey tai para interview te lagaithaka kapra laga bari te hudisey, Mrunal para koisey, “Etu kapra khan tu moilaga nohoi., ami para etu kapra khan tu kotba para mangikina loisey. Ami para ekta top te sobsey bisi poisa khorcha kora tu Rs 2000 thakisey. Aro etu bi ami laga hisap te bisi asey.”
Tai para agey barikina koisey, “Kilemaney dami kapra khan ke apni bar bar pindibole naparey. Hoi, apni laga wardrobe te ekta classic statement collection thaka tu bhal asey hoilebi aney dikhabole karney ekta brand panda tu poisa laga wastage asey. Ami para utu poisa tu khana, ghas, ghor nohoilebi ekta zameen te invest kuribo kotey ami farming kuribole paribo.”
Add Comment