New Delhi, April 05 : Bollywood actor Manisha Koirala tu Sanjay Leela Bhansali laga dangor film Heeramandi te star kuribole pura tayar asey. Etu film release hobole ageyte, Manisha para tailaga instagram handle te jaikina tailaga jibon laga recent dangor events laga ekta lamba note likhisey. Koirala laga hisap te, tailaga jibon laga etu phase tu sobsey bhal asey kilemaney tai tu sobsey bhal movie role nohoilebi seher laga life ke kheda nohoi. Etu laga bodli, tai khali utu manu khan logotey kaam kuribole chuni asey kunlaga kaam ke tai respect korey.
Etu actor para cancer logotey tai larayi kuri thaka ke reflect kurikina koisey, “Ami logotey jibon te dhanyabad dibole bisi karon asey, ekta career kuntu para bisi uccha moments , dangor roles. Best director aro enaka dosti dikhisey kuntu toh mushkil homoitey bi majboot thakisey. Aro Isor laga morom para cancer logotey lara picheyte amikey second life paisey. Ami para jibon te sobsey gehra dukh bi dikhisey aro bisi galat rasta loisey. Jibon tu ekta bhal teacher nisna hoisey, sob bhal aro biya homoi ke milaikina. Aro ami para homoi laga kimat tu etya arobisi intense para bujibole pari asey.” Manisha Koirala tu 2012 te ovarian cancer paikina thakisey.
Heeramandi film te kaam kora tailaga experience laga barite, Manisha Koirala para bisi rasta te etu ke improve kuridiya laga paisey. Tai nimitey, Khamoshi picheyte Sanjay Leela Bhansali logotey aro kaam kora tu ekta khusi laga kotha thakisey. Tai para etu bi koisey ki etu film te tai bisi talented maiki khan logotey kaam kuribole enjoy kurisey.
Add Comment