Mumbai, April 05 : 3ta National Award aro bisi critically-acclaimed film thakikina, Manoj Bajpayee para koisey ki tai tu etya tak bi enaka kahani aro roles bisari asey kuntu tu extraordinary asey aro tai laga bhitor te nukhulikina thaka ekta side ke bisarikina olabole bisari asey. Manoj Bajpayee, kun para Satya, Shool, Raajneeti, Aligarh, Gangs Of Wasseypur movies aro The Family Man series nisna film khan te act kurisey tai para koisey ki tai para unique role laga talashi kora tu hodai jari rakhey. Tai para koisey ki tai tu bhal offer pabole bisi lucky asey. Tai tu etu laga opor jaikina aro bisi interesting, extraordinary script aro kahani nimitey sabole mon asey kuntu ke manu khan para dikhanai. Enaka role kuntu tu tai para kora para ekdam alag asey. Tailaga talashi tu hodai jari asey aro kuwa nisna kotha tu hodai apni laga choice laga asey.
Etu actor para admit kurisey ki business te bisi saal para thaka laga bawajut bi tai para audience laga mood ke etu hakikat para barikina sabo naparey ki taikhan ke ekta bhal kahani lagey kuntu para taikhan ke engage rakhibole aro entertain kuribo parey.” Aro judi etu film para etu duita kaam bi nukurise koiley taikhan para etu ke logalog reject kuridibo.
Tai para kosiey, “Ekdam imandari para mehnat kora picheyte, apni khan para khali kamyabi nimitey hey prathana kuribo parey aro etu film para audience logotey connect kuribo paribo koikina wish korey.”
Nijor ke critical aro tailaga kaam para asani para mon pungcha manu nohoi koikina, Manoj Bajpayee para koisey ki tai tu next idea nimitey hey sai. Aro tai bisi bhak tailaga film nasai hoilebi kityabar enkaa homoi thakey jitya taikey nijor laga film sabole lagijai.
Add Comment