Agartala te India-Bangladesh tourism festival soruh

AGARTALA: Tripura capital – Agartala te tin(3) din Indo-Bangla tourism festival toh Ujjayanta Palace te Sunday din para soruh hoishe. Inaugural function toh tuita(2) countries laga alag-alag colourful cultural artists para korishe. Tripura capital te etu function te hazar manuh ahishe. Festival toh first 2020 saal te soruh hoishe, hoilebi COVID-19 bemari nemite jowa tui(2) saal event toh organized kora nai. Hoilebi, desh te itya COVID-19 halalt toh bhal hoi thaka nemite Tripura tourism department para  festival toh aro organized korishe. Tripura aro Bangladesh te main event laga bapana toh cultural ties tangor hoikena jaboli nemite ase aro etu para India aro Bangladesh pithor te tourism exchange othibo nemite ase koishe. Function samai alag-alag Bangladesh singers samil thakishe aro Bangladesh delegates para indigenous dishes bonaikena thaka toh be tasted korishe. Tripura deputy chief minister Jishnu Dev Varma para festival toh inaugurated korishe aro Bangladeshi investors logot industrial sector te schemes neshina SEZ aro business te tangor moka loikena kam koriboli janaishe.  Dev Varma para Tripura government te finance portfolio be thurikena thaka samai Bangladesh government logot state te invest koriboli be janaishe. Tai koishe ke, “Bangladesh te industrialists para advantage loikena Indian government laga hath te SEZ Sabroom aro connectivity loboli laki,” koishe. “Bangladesh government para encourage aro interest loikena  industries te Tripura state’s development te samil koriboli laki,” koikena Jishnu Dev Varma para koishe. “ami khan neighbours ase, kali geographically para nahoi, hoilebi historically aro culturally para be ase. Etu event laga sobse tangor kam toh hoile friendship share korikena thaka toh ase,” tai aro janaishe.