Kohima, 26 November: Monday din AGOK Badze Meriema, Kohima jaga deh Angami Gazetted Officers Krotho pora 35th conference loise. Etu time deh Chief Minister, Neiphiu Rio toh Speaker thakise. CM pora aji kali nagas khan toh tai khan majode hee alag-alag hoi kena ase koise. “Naga pride deh chari kena individual pride toh besi important hoise.” Social reformation na-anna karni leaders aro politicians toh galdi ase pari koise. Tai aro janaideya toh, nagas khan beswas kora porabe besi-pabo, judi ami khan ekta (united) hoile. Tai pora AGOK toh saaman debole laga Union ase koise. Aro tai khan pora community aro etu opordeh nagas khan logode unity annibole paribo koise. Tai pora AGOK logode kushi powah janaideya thakise. Kelay koile tai khan pora sob community logode kechara (unselfishly) nakorikena kaam kora karni. Chief Minister pora besi teachers aro leaders khan ase, hoilebe tai khan active nai koise. Teacher khan example korikena lead nakora tak plans toh ketya be naparibo, koikena janaise. Ami khan laga society deh frustration aro negativity ase, etu pora ami khan laga society ektum komchor koridebo. Etu pora etukhan sob toh government, leaders aro parents pora koridebole biswas ase. Tai pora be IT jola khan phal governance hobole janaise. Jaija din time deh natural hatsa howah deh saijai kena Rio pora environment laga importance kotha janaise. Tai kushi paikena kowah toh, kunbah bosti khan plastics jola bondh koridese. Tai pora be AGOK logode samjaideya toh, ekta committee bonai kena farmers, entrepreneurs aro students logode rasta dekhabole janaise. Rio pora nejor laga experience hesab deh kowah toh, manu khan ketya state economy laga khobor hoti etu time deh jawab debole dukh pai. Tai pora Union logode Angami Public Organisation’s theme “right is might” deh motob korikena nagas toh unity aro progression annibole janaise. Function time deh Deputy Speaker, Zhaleo Rio; Advisor, Neikiesalie Nicky Kire; Advisor, Er. Zale Neikha aro MLA Keneizhakho Nakhro be thakise. AGOK President, Dr. Kedozeto Punyu pora projects aro works laga olob kotha kowah thakise. General Secretary, Megolhu Dolie aro Treasurer, Vikhozo Vitsu pora tai khan laga report janaideya thakise. Thaki-thaga AGOK Office Bearers khan ke, arobe 2018-2020 tak karni junise.
Add Comment