15th January 2019 deh Day one 8th state Level Mimkut Mini Hornbill Festival toh Ahthibung Town, Peren jaga deh loise. Etu din deh special Guest Namri Nchang, Advisor for Water Resources Department para function inaugural korishe. Tai para speech time deh kowah toh, Mimkut (post-harvest festival) toh hotai sal January moina loi. Etu lowah toh jowah sal laga rich harvest deh kushi paikena Isor logode kushi paikena thanks kora laga ase.
Tai para kowah toh, state Government para Tribal festival deh ektum mon diya toh traditions, customs aro cultures dekhabo karni ase. Aro etu toh ami khan bachai rakhibo lagi koikena janaishe.
Nchang para kowah toh, aji kali ami khan toh global village deh thaki ase. Hoilebe ami khan thek para wisdom aro technology toh paise. Judi kon hoilebi nejor laga traditions, customs aro cultures toh thaga nai koile tai laga identity toh haraise. Tai para Nagaland laga Kuki community logode Mimkut Festival toh phal wala olabole janaishe.
Second day din deh, Forest Gate osor laga Ahthibung Town jaga deh Lt. Lengjang Kuki Memorial Park toh Khehovi Yepthomi, Advisor Tourism, Art & Culture para inaugurate korishe. Etu toh jowah kali kora laga ase. Tai para general deh public manu logode aro Kuki community logode Festival time deh close relationship annibole janaishe aro District aro State laga sob Nagas logode morom toh spread kuribole janaishe.
Lt. Lengjang Kuki laga Biography toh L.L Kuki President Kuki INPI para olaishe. Din laga highlight programme deh Cultural dances toh Chakhro Cultural Troupe, Western Sumi Cultural Troupe, Tening para Zeliang Cultural Troupe aro Kuki Cultural troupes para korishe.
Thepfuulhouvi Solo, IFoS (Retired) & Principal Secretary, Forest Government of Nagaland para be kushi mana din deh kotha korishe. Function deh S. Tainiu D.C Peren Chairman, Mimkut Mini Hornbill Festival Organising committee chair thakishe.
Add Comment