Peren district laga Planning and Development Board Meeting toh DC’S Conference Hall, New DC Complex,Peren 6th May 2019 te loishe .Etu meeting toh Advisor, Water Resources and Chairman DPDB Peren, NamriNchang para loishe .
Namri Nchag members khan ke kotha kura time te sob government officials aro staffs khan ke khushi janaishe. Kelay koile tai khan mon dikena bhal para district te LokSabha 2019 Election luwa nimete .Tai para arobi sob government officers aro staff khan ke station te thakibi aro DC ke khobor dibi judi tai khan DPDB meeting te ahibole paranai koile toh koishe.
Etu meeting te ADC Tening official residence bonabole nimete , Power Department bithor te bill collection centre bonabole nimete Tening/Nsong areas te mobile connectivity ,PHC Tening para CHC Tening te upgrade kuribole nimete aro Veterinary Dispensary Tening para V.O Tening te upgrade aro SDAO office Tening upgrade kuribole nimete kotha kurishe .
Pending 2014 DPDB resolutions khan etu te GMS para GHS Beisumpuikam te upgrade kuribole nimete Sr.SDEOPeren para kotha kurishe .Nsong te police outpost aro Nsong te full fledged Range thakibole nimete kotha kurishe.Aro Government Higher Secondary school Peren te science stream anibole nimete department khan logote kotha kurishe .
Medical department aro PWD(R&B) khan para slide shows khan dikhaishe .Etu time te department khan para district khan te ki ki kuri ase etu khan te kotha kurishe .Etu meeting te district te ki ki kaam khan chuli ase etu uporte kotha kurishe .Etu meeting toh SaritaYadav IAS DC Peren aro Vice Chairman DPDB para vote of thanks dikena khotom kurishe.
Add Comment