AICF kan India deh aro international tournaments kan host kuri bole plan ase: President Narag

May 5, 2024: All India Chess Federation kan India deh aro international tournaments kan host kuri bole plan ase, taikan laka top class players kan enough world class competitions pabo leh, taikan laka president Nitin Narang para kui shae Sunday din deh. Narang para country deh taka sob top players kan, hotai sal sob dangor tournaments deh kili bole opportunity bapo leh napari bo karne, AICF kan taikan nijor laka international ‘Super Tournament’ shuru kuri bo kui shae. Hoile b detail deh ja nai tai para. “Kun bah Indian players kan karne ekta reservation taki bo aro overseas players kan keh b invite kuri bo, participate kuri bole. Enaka kuri nah, etu players kan eki exposure pabo, komti expenditure lokot deh,” Narang para PTI keh kui shae ekta interview deh. “Indian players kan foreign players keh outperform kui ase. Kun bah Indian players ka lokot deh kotha kura piche deh, kun bah global tournaments kan Indian laka number deh ekta cap taki bo kui nah jani shae,” tai kui shae. Narang para federation tho AICF-rated tournaments laka maximun number host kuri bole plan kuri ase kui shae aha din deh. “Mukan, AICF round-robin elite tournament bapo leh focus kuri ase, kuteh top Indian players kan ekjun ekjun lokot deh compete kuri bo. Sob milai nah, etu tournaments kan, aro tournaments conduct kuri bole motot kuri bo country deh.”