January 28, 2024: All India Football Federation (AIFF) para ekta executive committee meeting mati shae Wednesday din deh, Shaji Prabhakaran laka dismissal tho agenda deh list kuri kina secretary general para. Taila dismissal piche deh Prabahkaran tho executive meeting deh kotha kura, kuri bole ekta chance dibo lageh kui nah.
“Mui Wednesday laka meeting deh invite kuri nah nai,” Prabhakaran para Sunday din deh kui shae. AIFF para Prabhakaran keh hatai di shae, ekta former FIFA official keh, taila post para jua November deh breach of trust karne. December mohina deh Prabhakaran, dismissal deh ekta stay pai shae Delhi High Court laka hath para.
Taikan laka January 19 ruling deh, high court para Prabhakaran tho ekta AIFF emergency committee para dismissed kuri shae kui shae hoile b federation laka constitution isap deh khali executive committee laka hath deh power tho ase etu kuri bole. Order para AIFF kan ekta executive committee meeting lubo leh bar kan nai kui shae petition laka tenure terminate kuri bole laka purpose deh.
Executive meeting karne Invitation kitia pata bo lageh etu deh eku rule nai kui shae hoile b AIFF officials para etu tho agenda release hua time deh kureh kui shae. Agenda laka kotha kura time deh ekta executive member para agenda tho Prabhakaran para pat abo lageh nah nalageh hudi shae kile koile AIFF itia b tai office deh ase kui nah accept kureh. Member tho tai nijor laka nam kurbo leh mun taka nai issue tho sensitive taka karne. Hoile b Prabhakaran keh invite kuir bole lageh kui shae executive committee taikeh question kuri bo karne.
