January 28, 2024: English Football League (EFL) aro Professional Game Match Officials Limited (PGMOL) para ekta fan, referee Craig Hicks keh field para kitia dia piche deh shock hui jai shae kui shae League One match time deh kuto Port Vale aro Portsmouth majo deh taki shae Saturday din deh.
Incident tho Hicks para Portsmouth keh ekta penalty award kura piche deh hui shae 88th minute deh, kuto Colby Bishop para convert kuri shae. Goal mari dia tho Port vale, taikan laka home stadium Vale Park deh mari jai shae 0-1 deh. Portsmouth jita tho, taikan laka top spot maintain kuri bole pari shae England laka third-tier competition deh. Alak side deh Prot Vale tho 3 points off hui jai shae relegation zone para. taikan 20th position deh ahi jai shae.
“Incident para mukan keh shock kuri di shae aro mukan utu manu laka dimak natak action tho condemn kureh,” EFL aro PGMOL para kui shae ekta joint statement deh.
“match officials kan, taikan laka safety karne kitia b threatened hobo nalageh, mukan laka competition time deh ekta zaruri role kila time deh games laka staging deh. Mukan Craig aro taila team keh full support dibo Prot Vale aro relevant authorities kan lokot deh.” Port vale para utu manu laka action b condemn kuri shae. “Mukan relevant authorities kan lokot kam kuri bo mamla aro utu manu keh deal kuri bole ekta zero tolerance approach lokot deh.”
