KABUL, AFGHANISTAN Afghan lawmaker koishe southern Helmand province te airstrikes nimite 21 civilians murishe. Etu mura manu khan te bacha aro maiki khan bhi ase.
Helmand senator Mohammad Hashim Alkozai koishe first strike te 13 civilians murishe aro dusra airstrikes te aatha manu murishe. Duita airstrikes bhi Sangin district te Friday rati te hoishe. Sangin district te NATO para back kura Afghan forces aro Taliban majote bishi bhari larai hoi thake.
Alkozai koishe komti hoile bhi aro panchta manu khan airstrikes te jokom hoishe.
Provincial governor laga spokesman Omer Zwak koishe insurgents khan para Afghan forces opor te civilian area para hamla kurishe. Tai para confirm kurishe ke airstrikes para civilians khan ke murai dishe. Hoile bhi aro further khobor diya nai. Tai para koishe etu opor te investigation chuli ase.
Add Comment