ISLAMABAD: Pakistan koishe ke tai khan toh attankwadi khan khilaf te larai toh aro bishi uthaishe. Government para announce kurishe ke tai khan 182 madrassas opor te control lubole parishe. Aro ekso (100) manu khan ke arrest kurishe. Etu toh attanki groups khan ke bon kuribole nimite thakishe.
Pakistan laga interior ministry koishe etu toh lamba-plan drive laga hissa ase.
Pakistan toh attanki groups khan khilf te action lubole ekdam bishi global pressure lok pai ase. Etu te Jaish-e-Mohammed (JeM) khan bhi ase. February 14 te Jammu aro Kashmir laga Pulwama jag ate hamla kuri kena 40 CRPF khan ke murai dishe.
Pakistan laga interior ministry statement te koishe Pakistan te thaka provincial governments para 182 seminaries (madaris) khan laga control management aro administration loi loishe. Tai khan religious schools khan ke refer kurishe aro tai khan attanki khan logote rista thaka opor te kotha kurishe.
Pakistani ministry aro koishe Thursday din te law enforcement agencies para 121 manu khan ke agi preventive detention te loishe.
Add Comment