Mumbai, 18 June : Alpha trailer release hoija pichete fans para bisi positive reaction dise, especially Sharvari laga role ke bisi importance diya dekhi.
Trailer tu ekta baby glass enclosure bhitor bohi thaka scene pora suru hoina, Bobby Deol laga character Fateh para tai laga naam “Sita” rakhise kuina koi ase. Itu pichete Fateh para Sita ke ekta dangerous assassin bonabole train kora dikhai dise.
Voiceover te Alia Bhatt para Fateh ke “demon” kuina describe kori ase, juntu ekta rajkumari ke utha loi jaise. Kintu Ramayan laga Sita nisina rescue karone wait nakori, etu Sita para nijor sikha sob use kori Fateh laga Lanka ke nijor hate te koribole ula jai.
Trailer te Alia ke bisi high-octane action scenes te dikhai dise, aru tai laga fierce avatar fans khan ke impress kori dise.
Trailer tu etu logot Hrithik Roshan laga special appearance bhi tease korise. Tai War aru War 2 laga Major Kabir Dhaliwal role te phiri aha dikhai dise. Trailer te khali Hrithik laga suku dikhai dise, kintu etu matro bhi fans khan ke bisi excited kori dise.
Alpha teaser release kora time te bisi fans para Sharvari laga kom screen presence loi question uthai thakise. Social media te bisi manu para kio first promotional video te khali Alia Bhatt aru Bobby Deol upor focus korise kuina puchise.
Kintu trailer release age te Alia para ekta playful social media post share kori Sharvari ke highlight korise, juntu etu criticism laga jawab nisina dekha jaise.
Shiv Rawail direct kora aru Aditya Chopra produce kora Alpha te Alia Bhatt, Sharvari, Anil Kapoor aru Bobby Deol main roles te ase. Film tu Soumil Shukla aru Shridhar Raghavan laga screenplay upor based ase, juntu laga story Uday Chopra para likhise.
Alpha YRF Spy Universe laga newest film ase. Etu universe te Ek Tha Tiger (2012), Tiger Zinda Hai (2017), War (2019), Pathaan (2023), Tiger 3 (2023) aru War 2 (2025) include ase.
Film tu July 3 te cinemas te release hobo.
