New Delhi, 17 June : The Chainsmokers para India te comeback koribole official announcement kori dise, aru Grammy Award-winning duo tu December te 3 city tour koribo. Drew Taggart aru Alex Pall mila bana group tu 2023 pora pichete etu hobo taikhan laga first India tour.
The Chainsmokers para Mumbai te December 18 te, Delhi te December 19 te, aru Bengaluru te December 20 te perform koribo.
Mumbai laga event te duo tu Sunburn Festival 2026 headline koribo Mahalaxmi Racecourse te. Delhi aru Bengaluru laga venues etiya bhi announce korianai. Instagram post hisab te, Delhi te The Chainsmokers para Indian Sneaker Festival headline koribo, aru Bengaluru te Sunburn Arena headline koribo.
Mumbai aru Bengaluru shows laga tickets BookMyShow te available ase. Ticketing platform hisab te, prices ₹3,500 pora start hoi ase.
2012 te form kora The Chainsmokers para pop music duniya te bisi popularity pai loise aru etiya tak 118 million pora besi records bechi dise. Taikhan laga famous songs majote Don’t Let Me Down, Paris, aru Closer ase.
Pop aru electronic dance music mix kori songs bana karone famous thaka duo tu duniya bhorti top artists logot collaborate kori ase. Taikhan Grammy Award bhi jiti ase aru worldwide bisi dangor fanbase banai loise.
