AMCH te black fungus para 1st manuh mora khobor

July 2, 2021. Wednesday din Assam Medical College and Hospital (AMCH), Dibrugarh te 47 umer manuh ek jun mucormycosis nahoile black fungus be kowa bemar para morishe, upper Assam te fungal bemar para 1^st etu manuh mora khobor ase koishe. AMCH principal & chief superintendent Dr. Sanjeeb Kakati para koishe ke, etu bemari toh Lakhimpur district te boha manuh ase aro tai Covid bemar nemite June 15 darik Assam Medical College and Hospital (AMCH) te admitted korishe. Tai logot saas loboli aro matha beka laga complaint thakina ahishe, etu oper te tai toh diabetic ase aro blood sugar levels toh besi high thakishe. Black fungus toh besi serious bemar ase aro etu bemar toh kaun manuh diabetes nahoile Covid bemar ase etu manuh khan logot besi bakh thuri koishe. “Assam Medical College and Hospital (AMCH) te black fungus bemar para mora 1^st case ase, ami khan para besi kujus korishe, hoilebi tai laga jevan toh pachaboli parai nai,” koikena Dr. Sanjeeb Kakati para khobor toh janaishe. “Wednesday din te special care te 15 din neshina para elaj kori thaka bemar manuh toh mori jaishe,” tai aro koishe. Dr Kakati para janaishe ke, department of Medicine, ENT, Microbiology, Ophthalmology, Cardiology aro Radiology laga dedicated doctors teams para tai ke pachaboli besi kujus korishe hoilebi etu kathara bemar ke larai te parai nai. “ENT doctors para 6 gonda samai neshina operation lowa kamyaab hoishe, hoilebi olop beche tai sepsis aro shock para mori jaishe,”. Assam Medical College and Hospital (AMCH) te black fungus thura beche manuh mora toh 1^st case aro state pithor te etu 3^rd case ase. May 20 darik te 27 umer Nagaon district para Covid bemar bhal hoishe, hoilebi Guwahati te private hospital ekta te black fungus bemar para morishe. May 29 darik te 42 umer manuh toh Silchar Medical College & Hospital te covid bemar nemite admitted korishe aro tai logot black fungus thurishe.