July 2, 2021. Assam’s Udalguri district te Tangla Municipal Board para 250 oper cattle egrets morai deya nemite Police para tinta(3) officials ke etu coonection te thurishe, koikena khobor para janaishe. Police para Tangla Municipal Board laga tin(3) jun officials thura pithor te forest department para complaint filed kora hesab te executive officer Santanu Das ke be thurishe koishe. Khobor para aro janaishe ke, thura manuh khan ke 14 din nemite judicial custody te thakiboli ase. Tangla Municipal Board para bamboo trees te besi saal para egret colony thaki-thaka toh kati deya nemite egrets morishe aro etu Covid-19 bemar phela nemite ase koishe. June 8 darik te order ekta te Tangla Municipal Board laga executive officer para signed te Tangla town te ward number 1 laga 5 families khan para bamboo groves te egret birds kera nemite “environment toh unhygienic” koishe aro etu para coronavirus phelia toh risk ase koishe. Etu nemite tumi khan laga jaga te healthy para thakibo nemite bamboo groves toh katiboli lage”, koishe. Assam chief minister Himanta Biswa Sarma para etu incident toh social media te phelai nemite saboli order te janaishe.
Add Comment