New Delhi: Monday din Prime Minister Narendra Modi logode kelaaf korikena Congress President Rahul Gandhi para kowah toh, “ami para he factory laga foundation stone toh 2010 sal deh thala ase”.
Social Media deh Rahul Gandhi para post deya deh koikena thaga toh, “dear Mr Prime Minister, ami para he Amethi ordinance factory laga foundation toh 2010 sal deh thala ase. Last seven sal time para horu moru hatyar khan toh bonai thaga ase. Sunday din Amethi jaga deh ahhai kena apuni hotai mesha kowah nesana arobe mesha koise. Apuni sorom nai naki”.
Amethi toh Rahul Gandhi laga Lok Sabha constituency ase. Tati tally thaga time deh PM Modi para kowah toh, Amethi jaga deh development kaam etya tak nahoi kena thaga toh poila laga government nemide ase. Etu kaam toh last eight nahoi nine sal time para he suru hobole thaga ase. Korba ordnance factory toh pura rifle khan aro-notun bonabole laga ase. Hoilebe etu toh thek para najoli kena thakise.
PM para kwah toh, Amethi deh notun identity pabo aro etu toh notun venture AK-203 Kalashnikov rifle para janibo aro etu toh Korba ordnance factory deh he bonabo.
Add Comment