Monday din Prime Minister Narendra Modi para opposition khan question kora ke kowah toh, February 27 direk IAF logode Rafale fighters thakise koile etu phal hobo thaga ase.
Modi para kowah toh, Indian khan terrorism logode kelaaf korikena fight kora ke chip-chap nathakibo aro etu kothom koribo karni para tak ke ke hoilebi koribo.
PM Modi para kowah toh, “February 27 direk hamla howah time deh Rafale toh thakise koile ektum alag putli hobo thaga ase. Hoilebe tai khan para ami khan laga air force khan logode question kori ase”.
PM Modi para kowah toh, “Morom para apuni laga common sense jolabe. Hamla howah time deh ami khan logode Rafale thakise koile ami khan laga fighter jet toh nakeribo thaga ase aro kon laga life be najabo thaga ase.
Pakistan’s Balakot jaga laga Jaish-e-eMohammed terror camp deh hamla kora laga proof manga ke PM Modi para kowah toh, “ami laga aim toh terror kothom kuribole laga ase aro opposition khan toh ami logode hataidebole laga ase”.
PM para kowah toh, ami khan laga neighbouring deh terrorism bemari thaga deh ami khan kothom nakoribo lagi naki. Ami khan laga desh kothom kuribole aim kora ke etu desh toh chip-chap thakibole nahoi. PM Modi para etu kotha toh Guru Govind Singh hospital inaugurate kora aro alag alag development kaam kora bechide koise.
Modi para Bandra-Jamnagar humsafar Express be flag off kora thakise aro tai para development project suru kora majode Aaji-3 to Khijadia tak 51-km pipeline be thakise.
PM Modi para kowah toh, Jaija sal Gujarat deh hospital ola para dukhiya manu khan logode besi motob pabole ase. Union Government para Ayushman Bharat schemes ola para be dukhiya healthcare quality phal hobo aro tai khan logode besi motob pabo.
Gujarat government para water conservation measures lowah para PM Modi toh ektum kushi powah laga kotha janaideya thakise.
Modi para kowah toh, government toh manu khan logode pani debo nemide ektum dangor plan korikena ase.
PM Modi para dukhiya khan logode poisa para motob debole laga ke kowah toh, “hotai sal rural economy deh Rs 75,000 crore toh debole ase. Etu para tai khan logode motob pabole ase’.
Add Comment