China para India logode duty-free import toh India deh 85% tak manibo nemide hotise. Pura desh kotha kori thaga time deh China para India logode India exports toh 92% tak duty-free access hobole manishe. India para China logode toh 74% tak manibo nemide koise, hoilebi China toh etu deh kushi powah nai.
China khan para India logode demand kora toh India ke pressure de ase. China khan toh Regional Comprehensive Economic Partnership (RCEP) pethor deh world’s largest free-trade agreement bonabole mon hoi kena ase. Khobor hesab deh, India para China logode ektum komti kuribole koise. Hoilebe tusara desh khan deh saijaile 90% import toh duty-free tak ahhaibole ase. Aji kali India para China logode deal kori kena thaga deh sai jaile Indian market toh China logode haraidekena ase. India toh China logode besi duty-free import kuribole mon nai. Financial sal kothom howah time deh business toh nai nai koilebe $63 billion tak kuribole biswaas kori ase.
Jowah hapta RCEP meet thaga time deh, 16 desh laga business ministers khan toh kotha fesla hoi kena thakibole mon hoi kena thakise. Final fesla toh hoile notun government ahha bechidebe fesla hobole biswaas kori ase. RCEP nemide kotha kori thaga toh six sal opor hoise. Hoilebe India toh import deh sosta hobole laga ke bhoi khai ase. Kelay koile etu para sectors kothom koridebo naki bhabona para. India aro China deh chari kena ASEAN members, Japan, South Korea, Australia aro New Zealand be kotha fesla kuribole kosish kori ase aro tai khan para deadline toh 2019 tak dekena ase.
Add Comment