Los Angeles, December 2: Actress Natalie Portman pora olop din agge te janai dikene koise, ami laga baba Avner Hershlag pora ami ke lawyer nahoile (or) professor hobo dibole monn korikene thakishe. Hoillebhi ami 11 sal thaka homoi te pora ami toh acting te career banabole monn korikene thakishe.
Eitu 35 sal hoikene thaka actress toh ‘serious academic family’ te thaka maiki ase. Tai dangor hoi thaka homoi te tai laga baba pora tai ke law school te jabi koikene thakishe aru tai laga bacha toh film industry te nahoikene law laga field te bhal koribo koikene tai laga baba pora bhabana korikene thakishe.
Variety logot ekta interview lua homoi te Natalie pora koise, ami laga khandan bithor te ekta bi manuh film industry te thaka nai aru ami actor hobole laga inspiration kote pora ahishe, eitu toh ami bi najane. “Ami 25 sal hoikene thaka homoi te ami laga baba pora ami ke law school te jaibi koikene advice korikene thakishe. Acting kora toh biya ase koikene bi baba pora koikene thaka nai hoillebhi tai laga bhabana hisab te ami toh dusra line te join korile bhal hobo koikene thakishe.”
Natalie Portman laga natun (latest) film ‘Jackie’ toh aji (Friday) release hoikene ase aru eitu film te tai pora Jacqueline Kennedy laga role play korikene ase. Eitu film toh President John F Kennedy ke 1963 te morai dikene thaka laga story opor te base korikene ase.
Add Comment