Dimapur, December 2: Deputy Commissioner Dimapur Kesonyu Yhome pora 1st December, DDSC Stadium Dimapur te Hornbill International Music Festival 2016 ke officially launch kori dikene thakishe.
Address korikene Yhome pora Government of Nagaland laga behalf te Statehood day laga occasion karone greetings dikene thakishe. Nagaland pora World Aids Day bi observe korikene thaka homoi te eitu epidemic pora morikene thaka manuh khan ke DC pora solemn respect ase koikene janai dikene thakishe.
Wilson Jami pora Medical department laga behalf te kotha korikene koise, eitu sal World Aids Day toh theme “Hands up for HIV prevention” under te observe kori ase. HIV toh etiya bi bisi hoi ase koikene tai regret kori ase koise aru India te HIV laga highest prevalence rate toh Nagaland te ase.
Duniya te eitu epidemic karone India laga ranks toh 3rd largest ase. Wilson pora koise, April aru October 2016 majote 13,286 test conduct korikene thakishe aru eitu tests khan majote 527 positive test hoikene thakishe.
Eitu event te visually impaired school laga students khan pora bi special number present korikene thakishe.
Mumbai pora ahikene thaka Krishnakumar aru tai laga band pora tai laga popular gana khan korikene Dimapurians khan ke bisi bhal pora entertain korikene thakishe.
Add Comment