India, 25 October : Amol Muzumdar, Indian domestic cricket laga ekta pioneer, Wednesday dey Indian mahila cricket team laga head coach appoint kuri dishey. Muzumdar, kun India ke international level dey represent kuriboley chance painai, 11,000 first-class runs logot bishi score kurishey 171 matches dey 30 centuries milaina. Tai laga illustrious 21-year-long career dey, tai 100 List A khel khan upar dey feature kurishey aro 14 T20 matches dey bhi. Tai bishi Ranji Trophy titles jitishey Mumbai logot aro piche dey Assam aro Andhra Pradesh ke represent kurishey.
“Cricket Advisory Committee, Ms. Sulakshana Naik, Mr. Ashok Malhotra, aro Mr. Jatin Paranjape thakina, shortlisted applicants ke interview kurishey Head Coach laga position karoney – Team India (Senior mahila). Thorough aro thik phabna piche dey itu three-member committee para Mr. Amol Muzumdar ke recommend kurishey itu role luwoley. BCCI para Mr. Amol Muzumdar laga appointment confirm kurishey notun Head Coach nishina Team India (Senior mahila) laga,” BCCI kuishey ekta statement dey.
“Mui Mr. Amol Muzumdar ke Indian mahila Cricket Team laga head coach kuina appoint kuria toh swagaat kuri asey. Mui confident asey ki tai laga tenure andar dey, team toh upar uthina aro bhaal para perform kuribo khel laga alag format khan dey. Team para hotai impressive performances dishey bilateral aro multi-nation events dey, aro mui yakeen asey ki muikhan laga khiladi khan toh Mr. Muzumdar laga guidance aro roadmap andar dey bishi laab pawo,” BCCI President Roger Binny kuishey ekta statement dey.
Add Comment