India, 26 October : Glenn Maxwell para Wednesday dey history likhishey kitia itu Australian cricket team star para ekta century marishey 40 balls dey Netherlands laga khilaf. ODI mota laga Cricket World Cup 2023 dey kun bhi itu triple figure pahujianai komti balls dey. Glenn Maxwell para Aiden Markram laga record phangaishey ekta 49-ball ton laga. Itu South African star para Cricket World Cup 2023 dey olob din agey itu feat paishey. Glenn Maxwell laga innings toh eight sixes aro nine fours thakishey. Maxwell para fifty run mark toh 27 balls dey pahunjishey aro triple figure pahunjiwoley aro 13 balls khali luishey.
Australian innings khotom hua piche dey, former Indian cricket team captain Sunil Gavaskar para Glenn Maxwell ke tribute dishey.
“Itu wala (Reverse hit) toh sobse bhaal cricketing shots ekta huwo parey. Itu toh six karney jaishey. Itu toh ekta 12 huwo lagey. Itu piche dey bowling toh olob rattled huishey kiley kuiley taikhan kutey bowl kuribo najanina thakishey. Bishu bhaal effort thakishey. Tai 12 laga average thakishey, tai kuria laga runs score kuriboley aro tai kuria laga rate dey. Bishi muzaa thakishey,” kuishey Gavaskar Star Sports dey.
“Mark para ulawoley mui 40 balls luishey. Tai 40 balls dey hundred score kurishey, bishu bhaal,” tai halishey.
Add Comment