Pakistan, 26 October : Tai laga side dey afsos para Afghanistan khilaf World Cup dey haarina, Pakistan captain Babar Azam toh kunwa current aro former khiladi khan karoney bishi criticism pai asey. Afghanistan para Pakistan ke eight wickets para Monday dey haraishey, taikhan laga agey jeet Pakistan laga khilaf One-Day Internationals dey. Itu haar toh current aro former Pakistan khiladi khan karoney bishi afsos laga ghatna asey. Kitia kunwa para kuishey ki Babar para eku najaney, manu para kui asey ki itu star batter toh captaincy chari diwo lagey.
“Ek saal agey dey mui kaga channel dey mui para kuishey ki Babar Azam toh bishi bhaal batter aset. Tai captaincy chari diwo lagey, Virat Kohli para kuria nishina. Virat toh niche namishey aro tai laga performances khan dey saishey. Tai laga performance toh bhaal wala huwo, hosa bhi,” Ali kuishey ARY News dey.
Ali para janai dishey ki tai para Babar Azam ke captaincy chari diwi koa karoney tai ke ekta traitor nishina label kuri dishey.
“Huilewi, muikhan sob para jania nishina, social media dey kunwa manu para mui kaga khota ulta kuri dishey, kuishey ki mui Babar Azam ke khushi napai aro mui ekta traitor aset,” Tai halishey.
Pakistan laga haar Afghanistan khilaf, Babar maanishey “muikhan hurt asey”.
“Muikhan ekta team nishina hurt asey. Muikhan itu disappointment janiwo lagey aro mui laga team karoney mui laga sandesh toh itu haar para shikiwi,” Babar para kuina thakishey.
Five khel dey three haar logit, Pakistan itia formidable South Africa khilaf khiliwoley asey Chennai dey Friday.
Afghanistan itia five matches dey tuita jeet asey.
