Spain, 26 October : Barcelona coach Xavi Hernandez kuishey ki tai para ekta social media post khushi painai ekta club spokesman para Real Madrid winger Vinicius Junior laga racist joke ke chari dia aro taike ke Saturday dey Clasico nahua agey dey “clown” kuina madishey. Itu Brazilian forward ke racially abuse kurishey tai laga team laga 1-1 draw hui thakia homoi Saturday Sevilla dey, Andalusian club para stadium dey fan ekta ke ulai dia logot. “Itu toh racism nahoi, (Vinicius) toh clown ekta hua karoney thapad ekta lagey,” likhishey Barcelona director laga board spokesman Mikel Camps para X dey, agey dey Twitter, Madrid laga jeet Braga laga khilaf Tuesday dey homoi.
“Itu unnecessary aro meaningless stepovers para pitch laga centre dey ki represent kurey?”
Camps para piche dey tai laga post hatai dishey huilewi Spanish media kuishey Real Madrid president Florentino Perez toh Saturday dey Clasico attend nakuribo Barcelona dey protest ekta kurina.
“Mui kuwo nalagey, itu toh hatai dishey, itu para khafi kui, itu hi asey,” kuishey Xavi.
“Tension uthai dia eku khushi napai mui, referees ke condition kuriboley Real Madrid laga kosis nahoi, itu ‘tweet’ bhi nahoi. Mui fair play bhaal lagey aro mutual admiration.”
Barcelona vice-president Rafa Yuste para Vinicius ke maaf mangishey.
“Juti Vinicius muike huni asey kuiley, itu toh aro repeat nahubo” Yuste para plege kurishey Movistar dey.
