China, 26 October : Indian para athletes khan Thursday dey history panaishey sobse bishi medals jitina Asian Para Games dey, desh laga medal tally 80 tak lui jaishey, 18 gold medals milaina. India toh itia agey laga 72 paar kurina jaishey 2018 edition Indonesia dey jitia laga. India laga medal tally toh 18 gold, 23 silver aro 39 bonze aset, aro itu count toh uthi thakibo competitions laga fourth din tak. Games dey aro tui din pachina thakia dey, itu desh toh Hangzhou edition dey 100 medals jitiwoley laga course dey asey.
Toh 72 medals (15 gold, 24 silver, 33 bronze) jitishey last edition Jakarta dey kuntu Hangzhou Games agey dey sobse bhaal thakishey.
Sachin Sarjerao Khilari para din laga agey gold jitishey mota laga F46 shot put dey 16.03 m laga Games record throw logot kitia Rohit Kumar para bronze luishey 14.56m logot.
Para shooter Sidhartha Babu para gold jitishey R6 mixed 50m rifle prone SH1 event dey kitia tai para ekta Asian Para Games score 247.7 marishey.
India toh aro bronze medal bhi jitishey archery mota laga doubles W1 event dey Adil Mohamed Nazir Ansari aro Naveen Dalal laga pair para Kazakh pair, Nurshat Toleukassym aro Sagdat Duisembayev ke 125-120 haraina.
Simran aro Bhagyashri Madhavrao Jadhav taijun bhi mahila laga T12 100m aro mahila F34 shot put dey silver jitishey. Simran toh 26.12 seconds dey khotom kurishey kitia Jadhav toh 7.54m khotom kurishey. Narayan Thakur ekta bronze jitishey mota laga T35 100m dey 14.37 seconds laga time dey. Shreyansh Trivedi bhi ekta bronze luishey mota laga T37 100m dey 12.24 seconds laga time logot.
Para badminton dey, Sukant Indukant Kadam (mota laga singles SL4), Sivan Nithya Sumathy (mahila laga singles SH6), Manisha Ramadass (mahila laga singles SU5), Mandeep Kaur/Manisha Ramadass (mahila laga doubles SL3-SU5), Krishna Nagar/Sivarajan Solaimalai (mota laga doubles SH6) aro Pramod Bhagat/Sukant Indukant Kadam (mota laga doubles SL3-SL4) bronze medal jitishey taikhan laga semifinal matches haria piche dey.
Chess dey, Bhaveshkumar Rathi Himanshi toh mahila laga individual standard VI-B1 event dey bronze ekta uthaishey.
