Pakistan, 26 October : Pakistan Cricket Board para Thursday dey janai dishey ki skipper Babar Azam laga captaincy toh line dey thakibo parey juti team laga campaign hariley itia juli thakia World Cup dey. Pakistan toh South Africa laga khilaf Chennai dey jitiwoley lagia laga haalat dey asey aro ekta haar para taikhan semifinals dey jawoley laga bisas khotom hui jawo, kiley kuiley taikhan itia tak dey five matches dey consecutive three matches haarina ahi asey.
“Captain Babar Azam ke direct kuria laga media scurnity ke adress kurina aro team management, board laga stance, former cricketers laga janai dina, ki jeet aro haar khan toh khel laga ekta part asey. Captain Babar Azam aro Chief Selector Inzamam-ul-Haq ke aazadi aro support dishey squad panawoley ICC World Cup 2023 karoney,” kuishey PCB Ekta statement dey.
“Agey dey saina, board Pakistan cricket karoney sobse bhaal interest dey faisla kuwo world cup dey team laga performances hisab dey. Itia karoney, PCB para fans, former khiladi aro stakeholders ke encourage kuri asey team laga piche dey rally kuriboley kitia taikhan mega-event dey dangor comeback aniwoley kosis kuribo.”
Pakistan toh five matches para four points asey, consecutive haar luina arch-rivals India, Australia aro Afghanistan khan laga khilaf.
Babar ke 50-over captaincy para hatai diwoley khota bishi ulai asey asturit laga eight-wicket haar piche dey Afghanistan laga khilaf Chennai dey.
