Amaravathi: Andhra Pradesh Government pora Friday te world badminton champion Pusarla Venkata Sindhu ke Visakhapatnam te maiki khan nimede private badminton academy bona bole wada kurise.
Jowa kali World badminton champion Sindhu ke Vijayawada International Airport te state government pora ektam phal pora welcome kurise. Sindhu pora Chief Minster Jagan Mohan Reddy logot te state secretariat te log kurise aro Governor Biswabhushan Harichandan logot Rajbhavan te tai laga parents logot log kurise, Sports Minister Muthamsetty Srinivas aro alak sports officials logot te bhi log kurise.
CM Jagan Mohan Reddy logot te log kuriya somoy te, Sindhu pora state government ke Visakhapatnam te maiki khan karne badminton academy bonabole 5 acres madi rakhibole koise aro etu ke Jagan Mohan Reddy pora manise. CM Jagan Mohan Reddy logot te meeting kuriya biche te, Sindhu pora tai laga request ke accept kuriya karne state government aro Chief Minister aro tai laga government ke khushi paise.
Japan laga Nozomi Okuhara ke olap ake te khotam howa BWF World Championships te haraidi kena, tournament te gold medal pabole Sindhu first Indian hoise aro championships sab te five medals chitibole Zhang Ning biche te second maiki hoise.
Add Comment