Agencies: Kevin De Bruyne toh Luka Modric ke botli kuribole bhi moka bishi ase. Don Balon, Spanish weekly sports magazine laga hesab te, Kevin De Bruyne toh Real Madrid te Midfield karne bhi option logot te sign kuri kena ahise.
Paul Pogba ke pohila te lampa botli karne loi kena dhakise, Manchester United pora ektam kosish kuri kena summer transfer window te Old Trafford chri kena jabole diya nai.
Etu pora Christian Eriksen, Bruno Fernandes aro Donny van de Beek khan nishena player khan Santiago Bernabeu te opai karne jaa te nominee hoise.
Hoile bhi, khobor laga hesab te, Kevin De Bruyne ke Real Madrid khan pora khushi paise, aro tai khan pora player ke lobole karne 110 million Euros nishena bhelabole dyar ase.
Etihad te 2015 join kuriya pora loi kena, De Bruyne toh Manchester City karne ektam kamiyab hoise, tai club logot te dhaki kena jarta season te six trophies chitise.
High-rate kuri kena dhakiya youngster, game sobse phal midfielders howa manu, Manchester City pora Kevin De Bruyne laga services 2016 laga summer te paise.
Add Comment