NEW DELHI:
Agi India Meteorological Department(IMD) koishe Bay of Bengal te low pressure nimite Andhra Pradesh aro Tamil Nadu te bishi pani geribole expect kuri ase. Etu pani gera toh hafta majote hubole expect kuri ase.
IMD khobor kurishe Bay of Bengal laga south jaga khan te ahibo thaka teen(three) din bhitor te moderate para bishi heavy pani geribole warn kuri ase. Etu toh Andhra Pradesh laga south coast te hubo aro Tamil Nadu laga north side te hubo.
Wind speed toh 50-60 km/hour hubole expect kuri ase. IMD para Mas-mara(fishermen) khan ke bhi pani jaga osor te jabole mana kurishe.
Skymet Weather’s forecast hesab te etu low-pressure area toh west-northwest direction te track huwa dekhai ase. Forecast hesab te storm toh Tamil Nadu coast direction te ja dekhai ase. Etu low pressure osor hoile coastal Tamil Nadu aro Chennai te pani geribo. Etu toh December 14 te hubole expect kuribo pare.
December 17 para weather system toh northwest direction te move kuribo. Etu para pani laga activity toh kom kuri dibo.
IMD para Chennai laga next 48 hours toh cloudy hubo koishe. Chennai laga maximum temperature toh 31degrees Celsius hubo aro minimum temperature toh 24 degrees Celsius hubo koishe.
Add Comment