NEW DELHI:
Agi Supreme Court para Assam NRC deadline extend kurishe. Forms submit kuribole laga notun din toh December 15 para 31 te extend kurishe.
Top court para claims verification date laga process toh aro 15 days dishe. Etiya etu date toh February 15 te extend kurishe. NRC coordinator court ke koishe etiya tok te 14.8 lakh claims receive kurishe. Semi-literate manu khan form fillup koribole duk pa bhi NRC coordinator para koishe. State para petition te koishe state te panchayat election huwa nimite bishi time loi ase.
Assam government koishe Brahmaputra aro Barak Valley laga manu khan etu democratic process te bishi active part loi thaka janaishe. Assam government koishe form fill up koribole komti awareness thaka nimite etiya tok komti claims file hoi kena ase.
Top court NRC coordinator ke koishe claims aro objections file koribole mon thaka khan karne local offices khan te draft available kuribole koishe.
Olop samay agote Assam government top court ke deadline toh December 15 para beyond extend koribole approach korishe koishe. India laga Chief Justice Ranjan Gogoi asure koirshe ke court para tai khan laga request consider kuribo. Court para Assam laga etu exercise supervise kuri ase.
Deadline approach kura nimite olop hafta agote bishi chaos aro confusion thakishe. NRC laga final draft 2.8 crore manu list kurishe. 40 lakh applicant charishe. Etiya tok te 10 lakh manu para claims file kurishe, NRC coordinator para court ke koishe.
Add Comment