RALEGAN SIDDHI, OCTOBER 3 : Social Activist Anna Hazare toh Hunger Strike manabole October 2nd, Mahatma Gandhi laga junum pora suru kurikena thakise. Etubi Centre Sorkar BJP-led NDA pora Lokpal aro Lokayuktas anedebole nakura karne. Huilebi aro tai etu Din te hi namanabole kotha ula huise. Kele Centre Sorkar kan etu Lokpal aro Lokayuktas nemite kam mela kuribole kura nesena huijai ase koi kena.
Etu namanabole khobor etu Social Activist Anna Hazare pora janaidiya toh kedia Maharashtra Water Resources Minister Girish Mahajan pora tai logot Ralegan Siddhi bosti, Ahmednagar District te mati kena kotha kura bejete hi janaidiya laga ase koise. Aro tai logot eut Minister pora mata toh Centre Sorkar aro Maharastra Sorkar pora kotha bata karne lok kura laga ase koise. Aro etu time te lok kurikena etu Minister pora tai ke tai kan Centre aro State sorkar kan etu Lokpal aro Lokayuktas chamala nemite kotha mela kurikena sabole kuri ase koi kena janaise koise.
Khobor hisbte bi etu Anna Hazare ke Union Minister of State in Prime Minister’s Office (PMO) Jitendra Singh laga ekta kotha kakus te lekhe kena bataise. Huilebi etu kakus ke kotha lekhe kena thaka laga ki-ki janibole nabara laga ase koise.
Huilebi etu Anna Hazare, 81 sal dangor Social Activist pora toh Centre Sorkar aro Maharastra Sorkar ke husir kotha janaide thakise. Etubi chuti Lokpal aro Lokayuktas 2 ta toh naam te anedebole kuranai koile tai January 30th 2019 te Protest aro Hunger Strike manbole koi kena. Etu oporte tai bi Lokpal aro Lokayuktas anedebole kotha janaide thaka majutte Commission for Agricultural Cost aro Prices (CACP) bi Constitutional Status bitotorte anedebole kuribi koi kena janaise koise.
Add Comment