JHANSI, OCTOBER 3 : Thermal Power Plant, Jhansi te kam kuribole batai kena thaka Central Industrial Security Force (CISF) Jawan pora tai neju laga maiki aro 2 jun bacha ke muraidese. Kele tai kam nemite besi dukh kurikena mata korrom huikena thaka pora. Aro tai bi bacha aro maiki ke muraidiya bejete kakus te tai neju kebi muraidebole ase koi kena kotha lekhe baise koi kena police pora khobor te janaise.
Etu Jawana laga naam toh Shiv Singh Gurjar ase. Aro tai logot Parichcha Thermal Power Plant te kam kuribole bataide kena thaka laga ase. Aro tai maiki aro bacha ke muraidiya toh dawai (poison) khelaide kena muraidiya laga ase koise. Etu maiki toh Gita koi kena 30 sal dangor ase aro bacha 2 ta toh Kanha koi kena 4 sal dangor aro Tanisha koi kena 6 sal dangor ase koise.
Add Comment