Bangkok, Sept 5 (2025): Thailand parliament Anutin Charnvirakul ke elect kori dishe country laga nutun Prime Ministe. Tai 311 vote paishe, juntu bishi ase required 247 vote para. Tai laga jeet toh former PM Paetongtarn Shinawatra ke hatai kina pai she— aru etu former PM toh ex PM Thaksin Shinawatra laga daughter thakishe—Court para remove kuri dise ethics case karne. Etu event para Shinawatra family laga political power bishi komti hoi jaishe.
Anutin ekjon rich businessman aru Bhumjaithai Party laga leader. Tai bishi famous ase etu karon toh 2022 te cannabis decriminalisation champion thakishe, juntu karne tai ekta nickname “cannabis king” paishe. Political career te, Anutin health minister, interior minister aru deputy PM post dhuri thakise, including COVID-19 time te.
Tai prime minister banabo karne ekta deal korishe People’s Party (former Move Forward party) logote. Etu party modot dibole agree korishe ekta condition te, ki parliament dissolve kuri dibole 4 month bhitor te aru nutun election hold koribole. People’s Party government logote join nakuribo, bahar te hai thakibo.
Thaksin Shinawatra bhi vote aage Thailand para Dubai jabo lagi jaishe, juntu show kuri ase family laga uncertain political future.
Etiya Anutin ke dangor challenge face koribole ase—Thailand laga political situation stabilize koribole, reform demand handle koribole, aru tai nijor conservative aru royalist image maintain koribole.
Add Comment