6 September, 2025 – America President Donald Trump ekta controversial statement dishe, juntu te tai koishe ki India aru Russia etiya bishi China logote milaijabo parr. Etu kotha ahishe kitia Shanghai Cooperation Organization (SCO) summit, Tianjin te, China President Xi Jinping, India Prime Minister Narendra Modi aru Russia President Vladimir Putin ek sath picture te dikhishe,
Trump nijor Truth Social account te picture post kurikina likhi she: “Looks like we’ve lost India and Russia to deepest, darkest China. May they have a long and prosperous future together!” Etu kotha bishi sarcastic aru critical hobo para, experts khan para koi thakishe.
Reporters logote kotha kuria time te Trump alop backtrack kurikina koishe : “I don’t think we have,” kintu tai India upor bishi dissatisfaction dikhai dishe karon India etiya bhi Russia khan logote tel kiniye. Etu karne United States already India goods upor 50% porjonto tariff lagai dishe aru relation tense hoijai ase.
India foreign ministry etu statement upor comment kurinai, aru Russia aru China para bhi response ahi nai. Analysts khan koi thakishe ki SCO summit bhal para dikhai dishe ki China influence bishi barhi jabo pare.
Trump kotha bhal para koi kina dikhai dishe ki America relation India aru Russia logote bishi friction te jabo pare. Xi, Modi aru Putin ek logote summit te dekha picture bhi duniya politics te nutun direction loijabo paribo.
Add Comment