6 September, 2025 – Tesla board ekta dangor khobor di dishe—Elon Musk ke 1 trillion dollar laga pay package offer kurishe. Jodi Musk sob target fulfill korile, tai etu duniya te first trillionaire hobo.
Etu package shareholder khan November 2025 te vote kuribo. Target bishi high ase: Tesla laga market value 1.1 trillion dollar para 8.5 trillion dollar uporte uthabo, 20 million gaari deliver kuribo, 1 million robotaxi launch kuribo, aru 1 million humanoid robot “Optimus” banabo. Hoilebi, company ke 400 billion dollar profit four quarter te lagat lagat earn koribo lage.
Supporter khan koi ase etu package Musk ke Tesla te rakhibo aru future te AI, robot, aru self-driving gaari te leadership confirm koribo. Kintu, bishi manu bishi tension kuri ase, koi ase etu pay package corporate governance ke bighna dibo aru risky precedent set kuribo parr.
Tesla bhi recent te Texas te shift hoishe, juntu shareholder litigation rule ke komti kuri dishhe. Etu bhi bisi khan karne critical point hoishe. Report la hisap te Musk board khan ke pressure kurishe ki tai olai jabo jodi tai package toh approve ho nai koile.
Analyst khan hispa kurishe—kunba koi possible, kunba koi etu bishi dream type target ase. Kintu ekta clear ase: jodi approve hoishe koile toh, Elon Musk dunia te richest manu hobo aru Wall Street te executive pay laga definition change kuribo.
Add Comment