6 September, 2025 – Israel army sob manu ke janai dishe ki Gaza City te thaka manukhan ke joldi evacuate kuridibi, Khan Younis side te thaka Al-Mawasi area te jabole. Army khan etu jagah ke “humanitarian zone” koikina declare kuri dishe.
Israel army spokesperson Avichay Adraee X (Twitter) te post kurikina janai dise ki Al-Mawasi te manukhan ke khana, pani, aru medical help dibo. Army khan koi ase ki etu safe jagah te temporary shelter, hospital aru pani system rakhibole ase civil manukhan ke bachi thakibole.
Etu order ahala karon toh Israel army bishi operation chulai ase Gaza City north side te. Army report anusar, Israel already half Gaza City aru 75% Gaza Strip control te loishe. Prime Minister Netanyahu etu operation Hamas ke dismantle kuribole ekta effort ase.
Kintu ground situation bishi biya ase. Gaza health officials report anusar, war shuru hua para more than 64,000 Palestinian murai dishe. Pani, dawa aru khana shortage bishi hoi ase.
International response te Egypt Foreign Minister khan Israel statement ke criticize kurishe. Tai koi dishe ki displacement “voluntary” toh ekdom “nonsense” ase. Human rights group khan bhi warning dishe ki bombing majote manukhan ke forcibly move kuribo dile bisi danger ase.
Etu situation majote Gaza manukhan bishi uncertainty aru struggle face kuri thake, Israel toh humanitarian zone te thakilebi.
Add Comment