6 September, 2025 – Saturday morning Sydney te ekta dangor dukhoni incident hoishe. Long Reef Beach, Dee Why side te ekjon surfer dangor shark para attack kurishe aru bishi jokhum hoishe.
Victim laga nam toh Mercury Psillakis ase, tai laga umur toh 57, tai toh bishi experience thaka surfer aru local community te bishi morom kura ekjon thakishe. Tai ke hamla kuribole somoi te Psillakis prokoloi 100 meter offshore te thakishe, patrol area bahar te surf kuri thaka time te shark ahishe. Dusra surfer khan milaikina tai ke modot kuri she, kintu tai laga body bishi dangor jokhum paishe. Tai laga hath-pair khan katidishe aru doctor khan revive kuribole napari jaishe.
Tai laga surfboard laga duita part recover kuribole parishe aru scientist khan dekhise kuntu type shark tai ke attack kurishe.Mercury local community te bishi respect pay thaka manu thakishe. Tai laga wife aru ekjon chutu bacha ase, aru Father’s Day laga agey etu tragedy ahi jaishe etu karne family aru pura Dee Why area te bisi dukh ahishe.
Attack pichete, Manly para Narrabeen tak sab beach bon kuri dishe 24 ghonta karne. Kunba jagh ta toh dui(20) din para tin(3) din tak bon thakibo pare. Police aru rescue team drone, helicopter aru jet ski use kurikina shark activity monitor kuri thakise.
Etu hoishe 2025 te New South Wales laga prothom fatal shark attack. Sydney te last time shark attack hoishe 2022 te. Australia pura desh te etu bosor already char jon shark attack para mori jaise.
Add Comment