6 September, 2025 – United States President Donald Trump confirm kuri dishe ki 2026 G20 Summit tai host kuribole ase tai laga nijor resort, Trump National Doral Miami te para. Etiya bishi discussion aru criticism uthishe, karon summit te ekta private resort te hobo juntu Trump laga family business. Etu jankari toh September 5 te para janai dishe, etu toh first G20 full-scale summit hobole ase United States te 2009 piche te.
White House toh clarify kuri dishe ki etu program “at-cost” basis te hobo, mane resort ke profit nohoi. Trump laga khandan ke direct benefit nohobo, karon resort ke ekta independent manager handle kuribole ase
Etu G20 summit bishi important hobo karon etu coincides kori ase 250 years of United States anniversary. Trump bhi mention kurishe ki Chinese President Xi Jinping aru Russian President Vladimir Putin ke invite kuribo, kintu etu confirm honai juntu tai jun ahibo naparele.
Public mind te etu remind kuri dishe 2020 laga G7 plan, juntu Trump same resort te kuribole koshish kuri thakishe, kintu opposition aru criticism karne cancel kuri dishe. Opposition manu khan koisse etu ekta conflict of interest hobo, kintu Trump supporter khan koisse etu jagah safe, spacious aru prestigious ase.
2025 G20 Summit toh Johannesburg te November te hobo. Trump etu time te jabole napari bo, etu karne Vice President JD Vance represent kuribo. Miami 2026 G20 laga planning ke National Economic Council director Kevin Hassett aru Treasury Secretary Scott Bessent handle kuribo.
Add Comment