Apahic Maiki (Differently-Abled Woman) Ke Dikdar Dishe

MUMBAI, november 28 : Disability rights activist koishe CISF manu Mumbai airport te apahic maiki ke wheelchair para joborjos (forcefully) utha nimite maiki toh gao (body) te bishi duk paishe. Etu charge toh paramilitary force para mana korishe.Paramilitary khan koishe etu check toh procedure hesab para he korishe. Virali Modi Twitter te koishe etu hadsa (incident) toh Monday te hoishe. Tai London jabole flight dhuribole ja samay te.  CISF maiki para Virali laga wheelchair scan kora pichote joborjos (forcefully) Virali ke khara hobole koishe.Joborjos khara (stand) koribo kosis koribo diya karne gao te bishi duk paishe. CISF koishe CISF officers khan spot te ahishe aro situation explain korishe kitiya tai khan Ms. Modi ke dikdar huwa dekhishe.Ms Modi tai dhuk pa toh aro bhi tweet korishe. CISF manu khan ke enika train kore koi kena Ms. Modi complain korishe.Ms Modi complain korishe CISF laga manu toh olop bhi norom (sensitive) thaka nai. Etu tarika nohoi ekta apahic manu ke handle koribole. CISF officials koishe Ms Modi laga wheelchair scan koribole napara karne airport laga dushra area tea hibole koishe. CISF manu para Ms. Modi opor te joborjos kora mana korishe.CISF officials koishe CISF manu khan toh apahic manu khan ke khas(special) para sabole hekai (train) kori kena ase.