Himachal Monsoon Para Nuksan

SHIMLA, november 28 : Himachal state toh  Rs. 1,600 crore nuksan hoishe July 1 laga monsoon baris para. Borop gira karne 343 manu morishe. Himachal Pradesh Chief Minister Jai Ram Thakur para Tuesday te koishe.Etu kotha toh Chief minister inter-ministerial central team laga meeting te koishe. Etu meeting toh Mandi te hoishe. Mr Thakur koishe Public Works Department (PWD) rasta aro bridges te bishi nuksan hoishe. Loss laga total amount toh Rs. 930 crore osor te olaishe.Chief Minister koishe state te 405 mati-gira(landslides) hadsa hoishe aro 34 times dangor pani girishe. Irrigation and Public Health department Rs. 430 crore laga nuksan hoishe. Agriculture crops aro infrastructures te Rs. 130.37 crore nuksan hoishe.Chief minister koishe pura monsoon moina (month) te 343 manu morishe floods, mati-gira (landslides), baris aro rasta accidents karne.Mr Thakur koishe state government manu khan mora karne Rs. 13.72 crore laga modot dishe. Mr Thakur koishe 4,033 people opor manu ke alag alag rasta para bachaishe. Manu khan ke bacha(rescue) toh Chamba, Kullu aro Lahaul-Spiti districts para ase. Etu toh September 3 para October 1 majote ase.State te modot potha karne Mr Thakur Union government ke sob majote te kushi pa janaishe aro Prime Minister Narendra Modi ke bhi kushi pa janaishe.Mr Thakur koishe state government request para seven Indian Air Force (IAF) helicopters state  ke dishe. Lahul-Spiti aro Chamba districts te manu fashi kena thaka ke bacha bole. Etu districts para 292 manu ke airlift koribo parishe.Chief Minister inter-ministerial central team ke koishe loss aro nuksan mon te rakhi kena state ke Center para bishi para bishi support koribole koishe.  Etu state laga 10 saal(years) te sob se biya saal thakishe.