CHHAPRA, BIHAR, nOVEMBER 28 : Police Tuesday te koishe Chhapra railway junction te bishi manu laga hardi paishe. Etu case te mili kena thaka ekta manu ke arrest korishe. Etu hardi khan toh East Champaran district te thaka manu Sanjay Prasad laga ghor para paishe. Sanjay ke GRP team para Chhapra Junction te dhurishe. Deputy Superintendent of Police (Railway) Tanveer Ahmed para koishe. Ahmed koishe sob milai kena 16 manu matha laga hardi aro 34 dushra hardi Prasad laga ghor para paishe. Prasad ghor para olop Bhutanese currency, ATM cards alag alag desh laga aro foreign SIM, DSP paishe. Deputy SP koishe sawal huda samay te Prasad koishe hardi khan toh Ballia Uttar Pradesh para anishe. Tai Jalpaiguri rasta para Bhutan jabo thakishe.Prasad toh ekta gang laga hissa ase. Tai khan manu laga hardi occultists Himalayan Kingdom te thaka khan ke supply kore. Tai ke jail te dishe aro dushra khan ke bhi dhuribole investigation chuli ase.
Add Comment