LUCKNOW, OCTOBER 2 : Saturday din te Lucknow te ekjun Apple Sales Executive Vivek Tiwari ke Police Constable pora puntuk marikena muraidese. Etu bejete Hospital te sabole luijaise. Huilebi 20 minutes majutte hi tai murijaise. Aro tai ke puntuk mara toh tai kari pora ahe thaka ke rokha logot narokha karne maridiya laga ase koise.
Etu karne tai laga maiki aro 2 jun maiki bacha Uttar Pradesh CM Yogi Adityanath ke loki kuribole Monday din jaise. Etu time te CM pora tai kan Sorkar motub debo koi kena janaise. Aro State Sorkar porabo Rs. 25 lakh poisa tai laga khor manu kan ke debole ar Rs. 5 lakh poisa toh bacha kan School buribole nemite debo koi kena janaide koise.
Etu kan sob oporte Tiwari laga maiki Kalpana kebi Lucknow Civic Body te kam kuribole dese. Aro ANI khobor te Monday din etu Kalpana Tiwari porabi tai kotha kura ke CM pora sob hune kena motub debole manise. Aro tai bi tai kan State Sorkar ke bisas dangor ase. Aro aji tai etu bisas pora ahkete luijai ase koi kena janaide thakise.
Khobor hisabte bi etu mura chamala nemite 2 jun Police Constable Prashant Chowdhury aro Sandeep Kumar 2 jun ke Saturday din te hi thuridese koise. Etubi kedia Mr Tiwari laga shati kan tai logot eke pora berai thaka kan pora complaint kura bejete.
Add Comment