NEW DELHI, OCTOBER 2 : Uttar Pradesh state laga kheti kam kura kan bhorta jun Delhi-UP border jaka te Protest manai kena ahe thakise. Etubi “Kisan Kranti Padyatra” laga naam pora Loan Waiver, Subsidised electricity aro fuel, kheti kam kura kan 60 sal hua kan nemite Pension mangebole aro Swaminathan Commission laga kotha kan manabole karne. Etu oporte tai kan kheti kura laga Representatives kan bi Home Minister Rajnath Singh logot kebi lok kuribole jai kena ase koise. Aro etu Protest mana ke tai kan kheti kura kan 30,000 nesena thakise koise.
Etu Protest mana time te etu kheti kura kan khusha pora ahe kena rasta baan kurikena thaka sob bhangaide kena ahese aro kakus ke katha kotha (slogans) lekhe kena ahkete Centre logot khilaf kurikena ahe thakise koise. Etu karne Police kan lathi, tear gas (nahua dhunga) aro pani kena kheti kura kan ahkete ahe thaka logot maride thakise aro rokhaide thakise koise.
Police porabi khobor te tai kan etu rokhabole kura toh tai kan laga kam ase. Kele rasta te manu berabole thaka ke diktar debole kura toh thik nathaka laga ase aro etu pora rasta kan baan kuride kena adat aro neum kan sob ulta-bolta kuride ase koi kena. Aro etu karne etu chamala te saidebole tai kan laga kam hi ase koi kena janaide thakise.
Add Comment