Thursday din Police para kowah toh, APSC deh cash-for-job scam nemide Agriculture Development Officer (ADO) toh arrest hoise aro tai toh Bhangagarh police station deh register hoishe.
ADO Mrigen Haloi ke toh city police para case (No-159/2017) nemide tin-khonda hota-hoti kora bechide arrest hoishe. Etu agae deh police para be Haloi laga case deh chari kena seven tusara officials arrest kora thakishe. Tai khan laga naam toh Kalyan Sharma, Jayanta Chabukdhora, Sanghamitra Shyam, Mofida Begum Saikia, Priyanka Bora, Sahidul Azij Haque aro Deepankar Barique ase.
APSC job candidate Bedanta Bikash Das para August 16 direk Bhangagarh police station deh complaint toh APSC chairman Rakesh Paul aro APSC employee Sayed Musharraf Hussain logode kelaaf korikena file kora thakishe aro case (number 159/2017) toh register howah thakishe.
Dat logode RTI laga jawab ahha deh APSC para koikena thaga toh, reserved category deh ekta candidate juna Mrigen Haloi ke toh viva voce deh 78 marks paishe. Hoilebe RTI reply deh Deka logode viva voce deh 80 marks ase koishe.
Das para hota toh, viva voce deh ekta manu toh tuita alag-alag mark kenaga pabo. Tai para aro kowah toh, ami para honishe konbah juna candidates khan Paul logode Rs 10 lakh aro Rs 15 lakh deya.
Jowah sal May moina police para case deh mela-meli thaki kena APSC member Basanta Doleyin logode arrest kora thakishe. Scam deh Doley toh main wala charge ase aro tai ke toh Dibrugarh Police para arrest kora thakishe. Tai logode be jowah sal August moina bail powah thakishe.
Add Comment