Karachi: Saturday din Pakistan’s port city Gwadar deh tinta terrorists toh five-star hotel laga hotel deh kusha toh besi khonda hamla howah bechide morishe. Etu terrorism khan Pearl Continental Hotel laga bhari security toh bhangkai dekena 4:50 pm (local time) deh kusha thakishe.
Balochistan government spokesperson Zahoor Baledi hesab deh, hotel deh thaga besi phak guests khan hamla nahowah agae deh polabole parishe. Terrorist khan namora agae deh army aro navy spai toh tai khan logode besi khonda hamla kora thakishe. Operation toh 08:15 pm (local time) nesana deh kothom hoishe.
Khobor hesab deh terrorists khan toh banned outfit Baloch Liberation Army laga ase. Pakistani news site Dawn deh Pak military’s media wing ISPR para kowah toh, ekta security guard kon hotel deh kushibole nadibo rokhai thakishe etu manu morishe. Etu hatsa para mora nohoile jokhom powah laga khobor toh nai.
Agae hapta Gwadar deh 14 manu toh Ormara osor deh bondukh para hamla howah time deh mora thakishe. Mora khan majode 11 security personnel be thakishe.
Add Comment