ITANAGAR | FEB 21, 2020: police sources koishe ki tai khan para Arunachal Pradesh Staff Selection Board (APSSB), para luwa exam te irregularities te thaka nimete dui jun thurishe.
APSSB chairman A C Verma aro secretary S K Jain ke tai khan laga post para hataidishe.Ekta Special Investigation Cell (SIC) SP M Harsha Vardhan koishe ki Senia Bagang, candidate kun laga OMR sheet toh viral hoishe aro Mongam Basar ke Tuesday din te thurishe.
Etu dui jun ke state laga special investigation cell para thurishe etu bi ekta candidate laga OMR sheet toh social media te circulate huwa pichede .Alag alag candidates kun khan etu examination dishe koishe ki Bagang para blank answer sheet dishe hoilebi tai ke skill test nimete shortlist kurishe.
SP koishe ki etu arrest kura toh etu case te evidence khan jamaa kura pichede hoishe . Basar para APSSB para kuwa nishena kurishe.
Vardhan koishe ki APSSB under secretary Kapter Ringu toh SIC personnel para hudah hudi kuribole thaka toh avoid kuri ase .”Tai aro koishe ki tai laga khilaaf ekta non-bailable warrant dishe additional district aro sessions judges court Yupia te .
SP koishe pura kaam khan kuri ase etu conspiracy te janibole nimete aro joldi hi action lobole ase.
Chief secretary Naresh Kumar ke board laga charge dishe additional responsibility dikena.Aro special education secretary Santosh Kumar Rai toh Jain laga bodli ahise.
Add Comment