Mumbai, March 28 : Music master AR Rahman tu Delhi te huwa Times Now Summit 2024 te appear hoisiley, kotey tai para sports biopic Maidaan laga latest track launch kurisey kuntu laga title “Team India Hain Hum” asey. Etu film tu Syed Abdul Rahim laga jibon para inspire hoikina banaisey kuntu laga role Ajay Devgn para kuri asey.
Times Now Summit 2024 te, Rahman tu sports biopic film Maidaan laga first gana introduce kurisey kuntu ke Boney Kapoor para produce kurisey. Aro etu film tu Indian national football team laga coach Syed Abdul Rahim laga life ke dikhai. Kuntu te Ajay Devgn lead role te asey. Rahman para “Team India Hain Hum”gana tu ekta josh bhara sports anthem asey koisey kuntu para desh bhakti laga feelings jagaidiye.
Rahman para koisey ki etu movie aro etu laga gana tu football laga essence aro Ajay Devgn para character play kora ke honour kuri asey. Tai para koisey ki etu gana ke finalize kuribole nimitey 4ta attempt lagisey.
Rahman para etu bi koisey ki Maidaan film tu khali sports movie nohoikina etu para barikina asey. Kilemaney etu te insaniyat aro romance laga element asey. Etu film te Priyamani ke Syed Abdul Rahim laga maiki tu Syed Abdul Rahim laga maiki laga role kuribole asey. Etu bisi diri para release hobole rukhi thaka sports drama tu theatre te April 10 te theatre te release hobole asey. Priyamani, Gajraj Rao aro Rudranil Ghosh. Suru te, Keerthi Suresh ke Ajay Devgn laga opposite te rakhisiley hoilebi picheyte coach Syed Abdul Rahim laga maiki laga role tu Priyamani hey paisey. Maidaan film ke Amit Ravindernath Sharma para direct kurisey aro etu tu ekta hosa kahani te adharit asey.
Add Comment