Mumbai, March 28 : Bobby Deol tu Hindi aro regional cinema te villain laga role kurikina tailaga cinematic career laga nutun phase te bisi bhal kaam kuri asey. Bobby Deol tu Sandeep Reddy Vanga laga Animal film te Abrar Haque laga role bisi bhal para kurisey. Tai tu etya Yash Raj Films spy universe te gusi asey. Etu tu ekta action film te kaam kuribole asey kuntu te Alia Bhatt aro Sharvari Wagh thakibole asey.
Etu film laga baki member khan laga naam tu officially announce kuribole baki asey. Etu title nathaka project tu utu ekey cinematic universe te revolve korey kuntu tu ahibole thaka film War 2 aro Tiger Vs Pathaan ke connect korey. Alia tu ekta shaktishali jasoosi kora film te act kuribole thaka first maiki actress asey. Bunty Aur Babli 2 te thaka Sharvari para bi etu film te Alia Bhatt logotey spy laga role kuribole asey. Etu film ke The Railway Men laga actor Shiv Rawail para direct kuribole asey.
Bobby Deol ke next Suriya aro Disha Patani laga Tamil action film Kanguva te dikhibole asey. Tai tu Telugu action film Hari Hara Veera Mallu te bi kaam kuribole asey kuntu te tai Mughal emperor Aurangzeb laga role kuribole asey.
Add Comment